இணைய உலகம் என்றால் முதலில் நினைவு வருவது கூகிள். அவ்வாறான இணைய உச்சத்தை கண்டிருக்கும் கூகிளின் தலமைப் பணிமனை வளாகத்தில் பாரிய விபத்து ஒன்று நடந்துள்ளதாக செய்திகள்தெலிவிக்கின்றன. இவ் விபத்தில் 4 பேர் உயிரிழந்திருப்பதாக கூறப்படுகிறது.

அமெரிக்காவின் வாஷிங்டன் மாகாணத்தில் சியாட்டில் நகரில் கூகுள் நிறுவனத்தின் தலைமையகம் உள்ளது. அமேசான் நிறுவனத்தின் தலைமையகமும் இங்கேயே உள்ளது.

கூகுள் தனது அலுவலக வளாகத்தில் புதிய கட்டுமானப் பணியை மேற்கொண்டிருக்கிறது. சனிக்கிழமை இந்த கட்டுமானப் பணியில் ஈடுபட்டிருந்த கிரேன் உச்சியிலிருந்து கீழே விழுந்துள்ளது. நகரின் மையப் பகுதியில் யூனியன் ஏரிக்கு அருகே இந்த விபத்து நிகழ்ந்துள்ளது.

இந்த விபத்தில் கீழே இருந்த ஆறு கார்களை கிரேன் நசுக்கி தூள் தூளாக்கிவிட்டன. நான்கு பேர் உயிரிழந்துள்ளனர். இவர்கள் மூவர் ஆண்கள். ஒருவர் பெண். இவர்களில் இருவர் கிரேன் ஆபரேட்டர்கள். மற்ற இருவரும் நசுங்கிய கார்களில் இருந்துள்ளனர்.

மேலும், ஒரு பெண், ஒரு ஆண் மற்றும் நான்கு மாதங்களே ஆன ஒரு குழந்தைக்கும் காயம் ஏற்பட்டுள்ளது. இவர்களை உடனடியாக தீயணைப்புத்துறையினர் மருத்துவமனையில் சிகிச்சைக்கு அனுமதித்துள்ளனர். இவர்களுடைய உயிருக்கு எந்த ஆபத்தும் இல்லை என தீயணைப்புத்துறையினர் கூறியுள்ளனர்.

“இந்த விபத்து குறித்து முழுமையான விசாரணை மேற்கொள்ளப்படுகிறது. கிரேன் எதனால் கீழே விழுந்தது என ஆய்வு நடைபெறுகிறது.” எனவும் அவர்கள் தெரிவித்துள்ளனர்.